उज्यालो खबर
गैँडाकोट । नेकपा एमाले गैँडाकोट २ को ईन्चार्जमा नेता धन बहादुर पौडेल चयन हुुनुुभएको छ । नेकपा एमाले नवलपुरको आज बसेको बैठकले नेता पौडेललाई गैँडाकोट नगरपालिका वडा नं. २ को ईन्चार्ज तोकको नेकपा एमाले गैँडाकोट २ का अध्यक्ष राजु भूसालले जानकारी दिनुभयो ।
तत्कालिन गैँडाकोट गाउँकमिटीकाे सचिव र अध्यक्ष हुँदै ईलाका कमिटीको समेत नेतृत्व गरेका पौडेल हाल जिल्ला कमिटीका सदस्य समेत हुनुहुन्छ विगतमा गैँडाकोटमा एमाले कमजोर रहेका बेला समेत अविचलित भै पार्टीका लागि योगदान दिएको भन्दै एमालेको महत्वपूर्ण फोरममा समेत पौडेलको नाम आउने गर्छ ।
नेता पौडेलले गैँडाकोटमा रहेका सामुदायिक वन, विद्यालय, सहकारी, खानेपानी लगायतका संघसंस्थाको नेतृत्वदायी भूमिकामा रहेर काम गरिसक्नुभएको छ । जिल्ला कमिटीको बैठकले वडा नं. २ को सहईन्चार्जमा जानमाया सिग्देललाई चयन गरेको छ । सिग्देल नेकपा एमाले गैँडाकाेटकाे सकृय महिला नेतृ हुनुहुन्छ ।
