उज्यालो खबर
चितवन । खोलाले बगाएर चितवनमा आजदिउसो एक महिलाको मृत्यु भएको छ । जिल्लाको खैरहनी नगरपालिका वडा नं. १ शाहीचोक बस्दै आएकी ३४ वर्षीया कल्पना श्रेष्ठ (रिजाल)को स्थानीय लदरी खोलाले बगाएर ज्यान गएको चितवन प्रहरीले जनाएको छ ।
रत्ननगर वडा नं. १४ माधवपुर घर भै हाल खैरहनी बस्दै आएकी उनि लदरी खोलामा न्यूरो टिप्ने क्रममा चिप्लीएर लड्न पुग्दा खोलाले बगाएको प्रहरीले जनाएको छ ।
इलाका प्रहरी कार्यालय खैरहनीबाट खटिएको १५ जनाको प्रहरीको टोलिले उनको शव घटनस्थलबाट १० मिटर तल फेला पारेको थियो । मृतक कल्पना श्रेष्ठ (रिजाल)को शव पोष्ट मार्टमका लागि भरतपुर अस्पतालमा राखिएको छ ।
