
काठमाण्डौ । न्यादी हाइड्रोपावर लिमिटेडले असोज १५ गतेबाट रु। २२ करोड ५० लाखको आईपीओ निष्कासन गर्ने भएको छ।कम्पनीले १०० अंकित दरका कुल २२ लाख ५० हजार कित्ता आईपीओ निष्कासन गर्नेछ। कुल कित्तामध्ये २ प्रतिशतले हुन आउने ४५ हजार कित्ता कर्मचारीका लागि सुरक्षित गरिएको छ भने ५ प्रतिशतले हुन आउने १ लाख १२ हजार ५०० कित्ता सामूहिक लगानी कोषका लागि छुट्याइएको छ। बाँकी २० लाख ९२ हजार ५०० कित्तामा सर्वसाधारणले आवेदन दिन पाउनेछन्।
न्यादी हाइड्रोपावरको आईपीओमा सर्वसाधारणले न्यूनतम १० कित्ता र अधिकतममा ५० हजार कित्ताका लागि आवेदन दिनुपर्नेछ। यो आईपीओको निष्कासन बन्द छिटोमा असोज १९ गते र ढिलोमा असोज ३१ गते बैंकिङ समयपछि हुनेछ।
नेपाल धितोपत्र बोर्डबाट अनुमति प्राप्त गरेका सम्पूर्ण सि–आस्बा सदस्य बैंक तथा वित्तीय संस्थारु र तिनका शाखा कार्यालयका साथै मेरो सेयरमार्फत आवेदन दिन सकिनेछ।
कम्पनीले गत साउन ११ गते धितोपत्र बोर्डबाट आईपीओ निष्कासन अनुमति पाएको थियो। सोहीअनुसार पहिलो चरणमा कम्पनीले गत भदौ १ गतेदेखि भदौ १५ गतेसम्म आयोजना प्रभावित लमजुङको मर्स्याङ्दी गाउँपालिकाका स्थानीय र लमजुङका अन्य क्षेत्रमा बसोबास गर्ने बासिन्दाका लागि गरी १५ लाख कित्ता आईपीओ बिक्री गरिसकेको छ।
कम्पनीको यो आईपीओ बिक्री प्रबन्धकमा ग्लोबल आइएमई क्यापिटल रहेको छ।कम्पनीले लमजुङ जिल्लामा ३० मेगावाट क्षमताको जलविद्युत आयोजना निर्माण गरिरहेको छ। प्रतिमेगावाट लागत अनुमान २० करोड ३९ लाख २५ हजार रहेको छ। कुल लगानी अनुमान ६ अर्ब ११ करोड ७७ लाख रहेको छ। साधारण लगानी फिर्ता हुने अवधि ७।७३ वर्ष तथा डिस्काउन्टेड लगानी फिर्ता हुने अवधि १३।८२ वर्ष रहेको छ।
अबको ४ वर्षमा अर्थात आव २०८१र८२ मा कम्पनीको प्रतिसेयर आम्दानी ईपीएस १९।८६ रुपैयाँ पुग्ने प्रक्षेपण गरिएको छ। चालु आव २०७८/७९ मा ईपीएस १।९६ रुपैयाँ, आव २०७९र८० मा १३।७२ रुपैयाँ र आव २०८०र८१ मा १६।७९ रुपैयाँ रहने अनुमान गरिएको छ।
त्यस्तै आव २०८१र८२ मा कम्पनीको प्रतिसेयर नेटवर्थ १३३।९८ रुपैयाँ पुग्ने अनुमान गरिएको छ। चालु आव २०७८र७९ मा प्रतिसेयर नेटवर्थ ९६।१० रुपैयाँ, आव २०७९/८० मा १०९।८३ रुपैयाँ र आव २०८०/८१ मा १२१।६२ रुपैयाँ रहने प्रक्षेपण गरिएको छ।