Grishma Media Pvt. Ltd

Nawalpur, Gandaki, Nepal
Phone:+977.9855033222

Email: ujayalokhabar1@gmail.com

उत्तर कोरियाका सर्वोच्च नेता किम जोन उनले नयाँ कानुन जारी गर्ने तयारीमा छन् । नयाँ कानुन पारित भए कुनै पनि नागरिकले विदेशी लुगा वा सिनेमा हेर्न पाउने छैनन् । यदि कसैले कानुनविपरीत व्यवहार देखाए मुत्युदण्ड पाउनेछ ।

नयाँ कानुनमा नागरिकका घरमा अमेरिका, जापान तथा दक्षिण कोरियाका भिडियो वा पत्रिका पाए, उनीहरूलाई मृत्युदण्ड दिने व्यवस्था रहेको अन्तर्राष्ट्रिय समाचार एजेन्सीहरूले जनाएका छन् । किमले हालै सरकारी सञ्चारमाध्यमहरूलाई एक पत्र पठाएका थिए । सो पत्र विशेष गरी युवालक्षित थियो । किमको पत्रमा युवालाई ‘अप्रिय, व्यक्तिवादी, समाजविरोधी’को पछि लाग्दा समय बर्बाद हुने उल्लेख छ । नयाँ कानुन बनेपछि अब युवाहरूलाई यस्तो कार्यमा संलग्न नहुन भनिएको छ ।

किमले विदेशी भाषण नसुन्ने र विदेशी हेयर स्टाइल नराख्न पनि निर्देशन दिएका छन् । विशेष गरी किमले छिमेकी दक्षिण कोरियालक्षित गरी प्रतिक्रिया दिएका हुन् । किमले भनेका छन्, ‘छिमेकी दक्षिण कोरिया विदेशी भाषण, हेयर स्टायल र लुगा लगाएर समय बर्बाद गरिरहेको छ, यो युवाहरूका लागि खतराजनक हो, उत्तर कोरियालाई यस्तो नराम्रो तत्वबाट रक्षा गर्न प्रतिबन्ध गरिएको हो ।’

तपाईको प्रतिक्रिया