गैँडाकाेटकाे सिख्रौलीमा ४ सय वर्ष पुरानो शैलीको मन्दिर निर्माण
गैँडाकाेट । गैंडाकोटको सिख्रौली घाटमा पुरातत्त्व विभागले करिब ४ सय वर्ष पुरानो शैलीमा कलात्मक शिव मन्दिर निर्माण गरेको छ । विभागले एक दशक लगाएर उत्खनन गर्दा फेला परेको भग्नावशेष मन्दिरका आधारमा ठिक त्यस्तै मन्दिर निर्माण गरेको हो ।
गैंडाकोटको हर्कपुर चोकदेखि दक्षिणतिर पर्ने नारायणी नदी किनारमा १६औं शताब्दीमा पाल्पाका तत्कालीन राजा मणिमुकुन्द सेनको दरबार थियो भन्ने ऐतिहासिक कथन छ । भग्नावषेश रहेको दरबार क्षेत्रमा ४ सय वर्षअघि कुदिएका १५ सयभन्दा बढी ढुंगाका मूर्तिहरू रहेको व...
























