नवलपुर  । नवलपुरमा जापानिज इन्सेफलाइटिस लागेका दुई जनाको मृत्यु भएको छ । जिल्ला स्वास्थ्य कार्यालयका प्रमुख केशव चापागाइँका अनुसार देवचुली नगरपालिकाका दुई जनाको उपचारको क्रममा चितवनका अस्पतालमा मृत्यु भएको हो ।

एक जनाको सोमबार उपचारको क्रममा चितवनको अस्पतालमा मृत्यु भएको हो । अर्का एक जनाको एक साताअघि मृत्यु भएको हो । उनीहरूको मृत्युबारे जिल्ला स्वास्थ्य कार्यालयले सोमबार अपराह्न जानकारी गराएको हो ।

यसबाहेक गैंडाकोटका एक जना र हुप्सेकोट गाउँपालिकाका अर्का एक जनामा पनि जापानिज इन्सेफलाइटिस लागेको बताइएको छ ।दुवै जनाको चितवनका अस्पतालमा उपचार भइरहेको र अवस्था गम्भीर रहेको चापागाइँले बताए । उनीहरू दुवै जनाको आईसीयूमा राखेर उपचार भइरहेको छ । लामखुट्टेको टोकाइबाट यो रोग लाग्ने गर्छ ।

तपाईको प्रतिक्रिया