उज्यालो खबर
चितवन । ग्लोबल रिच चितवनको आयोजनामा शुक्रबार अष्ट्रेलियन एजुकेशन एक्जिव्युसन सम्पन्न भएको छ ।कोरोना महामारीपछि अष्ट्रेलिया सरकारले ल्याएको नयाँ शिक्षा नीति, रोजगारीको अवसर, आवश्यक पर्ने डकुमेन्ट, विभिन्न कोर्ष तथा विषय, भर्ना प्रक्रिया, फि स्टक्चर लगायतका बारेमा सम्पूर्ण जानकारी विद्यार्थीलाई एउटै थलोबाट उपलब्ध गराउने उद्देश्यले एक्जिव्यूसन आयोजना गरिएको हो ।
भरतपुरको गार्डेन रिसोर्टमा भएको एक्जिव्युसनमा पाँच सय विद्यार्थीहरु सहभागी भएका थिए ।उच्च शिक्षा अध्ययनका लागि अष्ट्रेलिया लगायतका देशमा जान चाहाने विद्यार्थीलाई लक्षित गरेर एक्जिव्युसन आयोजना गरिएको शाखा प्रमुख सुरेश पौडेलले बताउनुभयो ।
एक्जिव्युसनमा अष्ट्रेलियन क्याथोलिक युनिभर्सिटी, सेन्ट्रल क्वीनसल्याण्ड युनिभर्सिटी,इडिटक्राउन गरी ११ वटा कलेज तथा युनिभर्सिटीका प्रतिनिधिहरुको उपस्थिती रहेको थियो ।अष्ट्रेलियामा अध्ययनका लागि विद्यार्थी पठाउने उत्कृष्ट शैक्षिक परामर्श केन्द्रको रुपमा ग्लोबल रिच परिचित छ ।
