कोभिड—१९ र स्क्रब टाइफसको लक्षण मिल्दोजुल्दा हुन्छ । स्वास्थ्य तथा जनसङ्ख्या मन्त्रालयका अनुसार पछिल्लो समय कोभिडका बिरामीसँगै स्क्रब टाइफसका बिरामी देखिन थालेका छन् । कोभिड १९ र स्क्रब टाइफसको लक्षण मिल्दोजुल्दो हुने भएकाले चनाखो हुन सरुवारोग विशेषज्ञहरूले सुझाव दिँदै आएका छन् ।

स्क्रब टाइफस के हो ?

स्वास्थ्य मन्त्रालयका अनुसार ​क्रश टाइफस ‘ओरिन्सया सुुसुगामासी’ जीवाणुले सङ्क्रमित एक प्रकारको सानो किर्नाको टोकाइबाट मानिसमा सर्छ । स्क्रब टाइफस रोगको समयमै उपचार नगरेमा स्वास्थ्यमा गम्भीर समस्या निम्तिन सक्ने चिकित्सकहरूको भनाइ छ । यस रोगले मस्तिष्क, कलेजो, फोक्सो, आदिमा सङ्क्रमण गर्नुका साथै कहिलेकाहीँ बहुअंग विकार ९मल्टी अर्गन डिस्फङ्सन० को अवस्था सृजना गर्न सक्छ ।

यो रोग मानिसमा कसरी सर्छ?

मुसाको कानमा वा अन्य जीवजन्तुमा हुने सङ्क्रमित किर्नाले मानिसलाई टोकेमा स्क्रब टाइफस सर्छ

स्क्रब टाइफसका लक्षणहरू के-के हुन् र?

–उच्च ज्वरो आउने,

–श्वास प्रश्वासमा समस्या देखिने,

–धेरै टाउको दुख्ने,

–जोर्नी र मांसपेशी दुख्ने,

–खोकी,बान्ता, पेट दुख्ने, पखाला लाग्ने,

–आँखा रातो हुने,

–किर्नाले टोकेको ठाउँमा कहिलेकाहीँ कालो दाग बस्ने,

–शरीरमा बिमिरा आउने,

स्क्रब टाइफसबाट बच्ने उपाय 

–किर्नाको टोकाइबाट बाच्न खेत, बारी, झाडी, वन जङ्गल जाँदा लामो बाहुला भएका कपडा लगाउन पर्छ भने जुत्ता समेत लगाउनुपर्छ ।

–शरीरको खुल्ला ठाउँमा कीटनाशक प्रयोग पनि गर्नुपर्छ ।

–घरको वरिपरि खेतबारीमा धेरै घाँसहरू बढ्न नदिने, आफू बस्ने वरपरको वातावरण सफा राख्ने

–मुसालाई नियन्त्रण लागि अन्न भण्डारण सही तरिकाले अपनाउनुपर्छ ।

तपाईको प्रतिक्रिया