उज्यालो खबर
काठमाडौं । काठमाडौं महानगरपालिकाका मेयर विद्यासुन्दर शाक्यलाई कोरोना भारइस (कोभिड–१९) संक्रमण पुष्टि भएको छ।ग्रान्डी अस्पतालमा गरिएको परीक्षणमा शाक्यको कोरोना रिपोर्ट पोजिटिभ आएको हो ।
श्रीमती र आफ्नो जाँच गर्दा आफ्नो मात्र कोरोना रिपोर्ट पोजिटिभ आएको मेयर शाक्यले जानकारी दिनुभयो उहाँले भन्नुभयो – ‘पिसिआर परीक्षण गर्दा मेरो पोजेटिभ देखियो। श्रीमतीको भने नगेटिभ देखिएको छ ।’उहाँले अहिले आफू होम आइसोलेसनमा बसिरेहको र लक्षण भने नभएको बताउनुभयो। उहाँले श्रीमतीलाई ज्वरो देखिएपछि जाँचका लागि आइतबार बिहान ग्रान्डी अस्पताल पुगेको बताउनुभयो ।
