उज्यालो खबर
चितवन । कामना सेवा विकास बैंक पदमपुर शाखाले विद्यालयले बाद्यवाधन र खेलकुदका सामग्री हस्तान्तरण गरेको छ । आज एक कार्यक्रमको आयोजना गरी बैंकले कालिका नगरपालिका वडा नं। ४ मा रहेको श्री आधारभूत विद्यालय गड्यौलीलाई ती सामग्री हस्तान्तरण गरेको हो ।
सो अवसरमा बैंकका शाखा प्रबन्धक धर्ती देवकोटाका बैंकले मादल, झ्याली, भलिबल, फुटबल, डोरी फिङ्ग लगायतका सामग्री उपलब्ध गराएको जानकारी दिनुभयो ।
कार्यक्रममा शाखा प्रबन्धक देवकोटाले बैंकले सामाजिक उत्तरादायित्व अन्तर्गत यी सामग्री हस्तान्तरण गरेको बताउनुभयो । उहाँले विद्यार्थीहरुको शैक्षिक साथै अतिरिक्त क्रियाकलापमा प्रगतिका लागि यी सामग्री हस्तान्तरण गरेको बताउनुभयो । उहाँले भन्नुभयो “विद्यार्थी केवल कोर्ष अध्ययन मात्रै होइन, अतिरिक्त क्रियाकलालपमा समेत अगाडि बढ्नु पर्छ भनेर यी सामग्री हस्तान्तरण गरिएको हो ।”
विद्यालय व्यवस्थापन समितिका अध्यक्ष मदन चौधरीको अध्यक्षतामा भएको कार्यक्रममा अध्यक्ष चौधरीले बैंकले यो सहयोग आगामी दिनमा पनि निरन्तर हुने अपेक्षा व्यक्त गर्नुभयो ।
कार्यक्रममा विद्यालयका प्रधानाध्यापक शिवनारायण चौधरी लगायतले बोल्नु भएको थियो । सो अवसरमा यादवप्रसाद रिजाल, भीमकुमारी पौडेल, सरोज अर्याल, विन्दा अधिकारी गायत्री मिश्र, वविता सापकोटा, गीता श्रेष्ठ, जुनी चौधरी, कृष्णकुमारी धिताल, विजय पुरी, स्वस्तीका राउत, पार्वती रिजाल, स्मृति चौधरी लगायत २३० भन्दा बढी अभिभावक तथा विद्यार्थीको उपस्थिति थियो ।
