उज्यालो खबर
भरतपुर । “दिगो आर्थिक विकासका लागि बृहत अन्तराष्ट्रिय औद्योगिक प्रदर्शनी” भन्ने अभियान सहित उद्यमशिलता विकास र औद्योगिक उत्पादकत्व वृद्धिमा सहयोग पु¥याउने उद्देश्यले चितवन उद्योग संघको आयोजना तथा नेपाल उद्योग परिसंघ र नेपाल घरेलु तथा साना उद्योग महासंघको अभिभावकत्व, मिडिया स्पेस सोलुसन्स प्रा.लि तथाFuturex Trade Fair and Events को व्यवस्थापकीय साझेदारी र नेपाल सरकार, उद्योग वाणिज्य तथा आपूर्ति मन्त्रालय, बागमती प्रदेश सरकार, पर्यटन, उद्योग तथा सहकारी मन्त्रालय, घरेलु तथा साना उद्योग कार्यालय चितवन र चितवनका स्थानीय पालिकाहरुको प्रबद्र्धन सहयोगमा यही बैशाख २२, २३ र २४ गते चितवन प्रदर्शनी केन्द्र भरतपुर चितवनमा हुने “सातौँ चितवन अन्तराष्ट्रिय औद्योगिक प्रदर्शनी २०८०” को तयारी अन्तिम चरणमा पुगेको छ ।
औद्योगिक मेशिनरी र प्रविधि सहित निर्माणजन्य, कृषिजन्य, अटोमोबाइल, फर्निचर, इन्जिनियरिङ, मेटल, प्रिन्टिङ्ग, प्याकेजिङ्ग, प्लाष्टिक, पर्यटन, फूड एण्ड बेभरेजेज तथा अन्य सेवामूलक उद्योगहरुको उत्पादनको प्रदर्शनी हुने यस औद्योगिक प्रदर्शनीमा राष्ट्रिय तथा अन्तराष्ट्रिय गरी १५० भन्दा बढी स्टलहरु रहने प्रदर्शनीको स्टल बुकिङ लगायत पूर्व तयारीको कामहरु अन्तिम चरणमा पुगेको आयोजक संस्था चितवन उद्योग संघका अध्यक्ष त्रिलोचन कँडेलले जानकारी गराउनु भयो ।
कँडेलले अवलोकनकर्ताहरुलाई निशुल्क प्रवेशको व्यवस्था हुने प्रदर्शनीमा देशका विभिन्न जिल्लाका उद्योग तथा व्यवसाय गर्न ईच्छुक नवउद्यमीहरु, विभिन्न राष्ट्रका आधुनिक प्रविधि उत्पादकहरु औद्योगिक प्रविधिबारे जानकारी राख्न चाहने व्यक्तिहरु, व्यवसायिक उत्पादकहरु, नेपाली उद्योगहरुका सञ्चालकहरु, लगानीकर्ताहरु तथा व्यवस्थापकहरु, उद्यमीका व्यवसायिक परामर्शदाताहरु, वित्तिय सेवा प्रदायकहरु, अनुसन्धानकर्ता, विद्यार्थी, संघ संस्थाका प्रतिनिधिहरु, तीनै तहका सरकारका नीति निर्माताहरु, उच्च पदस्थ अधिकारीहरु, उद्योगीका छाता संस्थाका प्रतिनिधिहरु अवलोकनकर्ताको रुपमा सहभागि हुने जानकारी गराउनु भयो ।
त्यस्तै, उद्यमीहरुलाई आधुनिक प्रविधि अनुसरण गरी औद्योगिक उत्पादकत्व वृद्धिका लागि प्रोत्साहन गर्ने तथा नविनतम प्रविधि हस्तान्तरणको वातावरण सृजना गर्ने महत्वपूर्ण अवसरको रुपमा रहने यस प्रदर्शनीमा स्वदेशी एवम् विदेशी उद्योगीहरूका वीच प्रत्यक्ष भेटघाट तथा छलफल हुन गई औद्यागिक अनुभव तथा ज्ञान आदान प्रदान गर्ने समेत महत्वपूर्ण अवसर प्राप्त हुने प्रर्दशनीले नेपाली उद्यमीहरुलाई नयाँ प्रविधिवारे जानकारी गराउँदै युवाहरुलाई उद्यमशीलतामा प्रोत्साहन गर्ने/नयाँ उद्यमी जन्माउन सहयोग गर्ने उपयुक्त अवसरको रुपमा यस प्रदर्शनीले महत्वपूर्ण भूमिका खेल्ने व्यवस्थापकीय साझेदारी मिडिया स्पेस सोलुसन्स प्रा.लि.का प्रबन्ध निर्देशक श्रीजल भट्टराईले जानकारी दिनुभयो ।
नेपाल सरकारका उद्योग वाणिज्य तथा आपूर्ति मन्त्री माननीय रमेश रिजालज्यूबाट समुद्घाटन हुने प्रदर्शनीको दोश्रो दिन नेपाल सरकार उद्योग, वाणिज्य तथा आपूर्ति मन्त्रालयको तर्फबाट “वर्तमान औद्योगिक परिदृश्य, नेपालमा औद्योगिक विकासको सम्भावना र अवसर”का विषयमा र नेपाल उद्योग परिसंघको तर्फबाट “मेक इन नेपाल स्वदेशी अभियान”का विषयमा गोष्ठी तथा सेमिनार आयोजना गरिने भट्टराईले जानकारी गराउनु भयो ।
प्रदर्शनी अवधिमा चितवन तथा नवलपुर क्षेत्रका होटल, पर्यटन तथा यातायात व्यवसाय पूर्ण रुपमा चलायमान हुन गइ आर्थिक कारोबार समेत बढ्न जाने हुँदा वर्तमान समयमा सुस्ताएको अर्थतन्त्रलाई गतिशिल बनाउन समेत सहयोग पुग्ने विश्वास लिइएको छ ।
आधुनिक प्रविधिहरुको अनुसरण गर्ने र औद्योगिक अनुभव तथा ज्ञान आदान प्रदान मार्फत उद्यमशिलताको विकासमा सहयोगी हुने अवसरका रुपमा लिइएको यस प्रदर्शनीमा लघु, घरेलु तथा साना उद्योगहरुलाई सहज र किफायती बनाउन मद्दत पु¥याउने साना–साना औजार, मेशिनदेखि ठूला उद्योगमा प्रयोग हुने अत्याधुनिक यन्त्र उपकरणहरु समावेश गराइने भएकोले नेपालको औद्योगिक विकासका लागि यस प्रदर्शनीबाट थप इट्टा थपिने आयोजकको विश्वास रहेको छ ।
पत्रकार सम्मेलन कार्यक्रममा चितवन उद्योग संघ गभर्निङ काउन्सिलका अध्यक्ष गुणाकर खरेल, चितवन उद्योग संघका पूर्व अध्यक्ष भीमबहादुर पाण्डे, चितवन उद्योग संघका उपाध्यक्षहरु मदन घिमिरे, गजेन्द्र अधिकारी, युग राज वस्ती, कार्यसमिति सदस्यहरु दण्डपाणी भट्ट, दुर्गालाल सापकोटा, पार्वती सुवेदी कुंबर, चन्दना कोइराला, विशाल चापागाई, महिला उद्यमी मञ्चका सदस्यहरु अम्बिका धिताल, गीता ढकाल, सीता धिताल अधिकारी, युवा उद्यमी मञ्चका सदस्य अश्विन गोले लगायतको उपस्थिति रहेको थियो । तीनदिनसम्म सञ्चालन हुने औद्योगिक प्रदर्शनीको हस्पिटालिटी पार्टनरको रुपमा चितवन मिडटाउन रिसोर्ट रहेको छ ।
चितवन उद्योग संघका कार्यकारी निर्देशक गणेश प्रसाद सिलवालले सञ्चालन गर्नुभएको कार्यक्रमलाई संघका बरिष्ठ उपाध्यक्ष सूर्य प्रसाद न्यौपानेले धन्यवाद मन्तव्य सहित समापन गर्नुभएको थियो ।
