काठमाडौँ–जिउँदै मान्छेलाई इट्टाभट्टामा हालेर हत्या गरेको अभियोग लागेका मोहम्मद अफ्ताब आलमलाई नेपाली कांग्रेसले प्रतिनिधि सभाको उम्मेदवार बनाउने भएको छ । कयौँ सर्वसाधारणको हत्या गरेको अभियोगमा पुर्पक्षका लागि थुनामा रहेका आलमलाई कांग्रेस रौतहटले संघीय संसदको उम्मेदवारमा सर्वसम्मत सिफारिस गरेको हो।

आगामी मंसिर ४ गते हुने भनिएको प्रतिनिधिसभा निर्वाचनका आलामको नाम रौतहट क्षेत्र नम्बर २ को उम्मेदवारका रूपमा सर्वसम्मत सिफारिस भएको हो। आलम हाल विस्फोटक पदार्थ तथा सामूहिक हत्या अभियोगमा पुर्पक्षका लागि ललितपुरस्थित कारागारमा रहेका छन्। आलमसँगै कांग्रेस रौतहट २ नम्बर क्षेत्रीय कार्य समितिले अञ्जु झाको नाम पनि महिलातर्फ सिफारिस गरेको छ।

आलमको कर्तव्य ज्यानसम्बन्धी मुद्दा रौतहट जिल्ला अदालतमा विचाराधीन छ। कांग्रेस रौतहटका सभापति जितेन्द्र यादवले पनि क्षेत्रीय कार्य समितिले आलमको नाम सिफारिस गरेको समाचार मिडियाबाट सुनेको बताए।

तपाईको प्रतिक्रिया