गैँडाकोट । वैशाख ३० गतेका लागि तय भएको स्थानीय तहको निर्वाचन अन्र्तगत गैँडाकोट नगरपालिकाको मतगणना गैँडाकोट नगरपालिका कार्यालयमा गरिने भएको छ । गैँडाकोट नगरपालिका कार्यालयको माथिल्लो तलामा रहेको सभाहलमा मतगणना गरिने निर्वाचन अधिकृत दिपशीखा मुनाकमीले जानकारी दिनुभयो ।

गैँडाकोट नगरपालिकाका १८ वटै वडाहरुको मतगणना नगरपालिका कार्यालयको सभाहलमा हुनेछ मुनाकमीले भन्नुभयो : मतगणना स्थललाई सुरक्षित राख्नको लागि तारजाली समेत लगाइएको छ ।उहाँका अनुसार दलका प्रतिनिधिहरु तारजाली भन्दा बाहिरको रेखामा रहनेछन् भने भित्र गणकहरुले मतगणना गर्नेछन् ।

निर्वाचन अधिकृत मुनाकमीले मतदान सम्पन्न भैसकेपछि सबै मतपेटिकाहरुलाई संकलन गरि कार्यालयमा राखेर दलका प्रतिनीधिहरु सँगको छलफलपछि मतगणनाको निर्णय लिने बताउनुभयो । राजनैतिक दलहरुले गरेको सहमतिका आधारमा मतगणना सुरु हुनेछ ।मतगणनालाई व्यवस्थित र निश्पक्ष बनाउन मतगणना स्थलमा सीसी क्यामेरा समेत जडान गरिएको छ । सभाहलमा हुने मतगणनालाई सोहि कोठामा जडान गरिएका आठवटा सीसी क्यामेराले निगरानी समेत गर्नेछन् ।

तपाईको प्रतिक्रिया