उज्यालो खबर
चितवन – सर्भरमा समस्या देखिएपछि देशभरका यातायात कार्यालयहरुको सेवा अनिश्चतकालका लागि बन्द भएको छ ।यातायात व्यवस्था विभागले सूचना निलाकेर देशभरका यातायात कार्यालयहरुबाट दिने सबै सेवा अनिश्चतकालका लागि बन्द गर्ने भएको जानकारी दिएको हो ।
सर्भरहरुमा विद्युतीय समस्या देखिएको भन्दै विभागले बुधबार अपरान्ह ५ बजेदेखि सबै सेवा बन्द गर्ने निर्णय गरेको हो । यसअघि विभागले लाइसेन्सका लागि नयाँ आवेदन लिन बन्द गरेको थियो । अब सवारी दर्ता, नामसारी, नवीकरण र कर भुक्तानीसहितका सबै सेवा अनिश्चतकालका लागि बन्द हुने भएको छ ।
‘समस्या समाधान नभएसम्मका लागि सबै सेवा अवरुद्ध हुने जानकारीका लागि अनुरोध छ,’ सूचनामा भनिएको छ ।
