उज्यालो खबर
चितवन । माडी नगरपालिका वडा नम्बर ४ खैरहनीमा माधब लामिछानेको घरमा आगलागी भएको छ । आगलागी हुँदा दुईवटा कुखुरा फार्म, एउटा धन्सार, दुई वटा परालको टौवा पूर्ण रुपमा क्षती भएको छ ।
धन्सार संगै जोडिएको लामिछानेको घरमा समेत क्षती पुगेको इलाका प्रहरी कार्यालय माडीले जनाएको छ । कुखुरा र्फाममा २ हजार भन्दा वढि कुखुरा रहेका थिए । आज बिहान करिब ३ वजेको समयमा आगलागी भएको हो ।
आगलागी स्थानीय, माडी नगरपालिकाको दमकल र नेपाल प्रहरीको सक्रियतामा नियन्त्रणमा लिईएको हो । आगलागीबाट रु ६० लाख भन्दा बढीको क्षती भएको अनुमान गरिएको छ । आगलागीको कारण खुल्न सकेको छैन ।
