उज्यालो खबर
गैँडाकोट । प्याब्सन गैँडाकोटका सचिव एवंम् शिक्षक अनिल सापकोटाको हृदयघातका कारण निधन भएको छ । गैँडाकोट नगरपालिका वडा नं. ५ स्थायी घर भएका ५० वर्षीय सापकोटाको गएराति चितवन मेडिकल कलेजमा निधन भएको पारिवारिक स्रोतले जनाएको छ ।
आईतबार साँझ एक्कासी छाति दुख्यो भनेपछि उनलाई भरतपुर स्थित मुटु अस्पतालमा लगिएको थियो । मुटु अस्पतालमा सामान्य उपचार गरि चितवन मेडिकल कलेज रिफर गरिएकोमा राति ९ :५० बजे निधन भएको हो ।बालविकास बोडिङ्ग स्कुलका संस्थापक रहेका सापकोटा विज्ञान विषयका शिक्षक हुन् ।
लामो समयदेखि शिक्षाक्षेत्रमा आवद्ध उनि किसान बचत तथा ऋण सहकारी संस्था गैँडाकोटका सचिव समेत हुन । विभिन्न सामाजिक संघसंस्थामा सकृय सापकोटाको निधनले गैँडाकोट शोकमग्न छ ।स्वर्गीय सापकोटाका दुई छोरी, एक छोरा र श्रीमति हुनुहुन्छ ।
