चितवन । बजार अनुमगनका नाममा प्रशासनले व्यवसायीहरुलाई आतंकित बनाएको भन्दै चितवनका किराना व्यवसायीहरु आन्दोलनमा उत्रिएका छन् ।संघमा आवद्ध व्यवसायीहरुलाई जिल्ला प्रशासन कार्यालय चितवनका सहायक प्रमुख जिल्ला अधिकारी नेतृत्वको अनुगमन टोलिले पहिलो पटकमै अधिकतम जरिवाना लगाएको, तत्काल जरिवाना रकम बुझाउन चेतावनी दिएको तथा प्रहरी लगाएर पक्राउ गरि चोरी तथा ज्यानमारा जस्तो धम्कीपुर्ण भाषा प्रयोग गरेको भन्दै किराना व्यवसायीहरु रुष्ट बनेका हुन् ।

शनिवार एक विज्ञेप्ती जारी गर्दै किराना व्यवसायी संघ चितवनले प्रशासनको विरोधमा माघ २ र ३ गते दुईदिन जिल्लाका किराना पसलहरु बन्द गर्ने निर्णय भएको जनाएको छ ।किराना व्यवसायी संघ चितवनले विज्ञेप्ती मार्फत प्रशासन समक्ष विभिन्न पाँचवटा माग समेत प्रस्तुत गरेको छ ।

संघका अध्यक्ष रविन्द्र कुमार श्रेष्ठद्धारा जारी विज्ञेप्तीमा पहिलो पटकको अनुगमनमा नै अधिकतम शुल्क लगाउन नहुने, किराना व्यवसायीप्रति प्रशासनले हेर्ने द्धिष्टिकोण परिवर्तन हुनुपर्ने, सरकारी निकायबाट हुने अनुगमनका क्रममा किराना व्यवसायी तथा उद्योग वाणिज्यसंघका प्रतिनिधिलाई समेत समावेश गरिनुपर्ने लगायतमा मागहरु राखिएको छ ।शुक्रबार मात्रै चितवन किराना व्यवसायीसंघमा आवद्ध नारायणगढको गोरखनाथ किराना स्टोर्सलाई जिल्ला प्रशासन कार्यालय चितवनले तीनलाख रुपैँया जरिवाना गरेको थियो । चितवन किराना व्यवसायीसंघमा १६३ जना किराना व्यवसायीहरु आवद्ध छन ।

तपाईको प्रतिक्रिया