उज्यालो खबर
गैँडाकोट । नेकपा एमाले गैँडाकोट नगरकमिटीको पदाधिकारी तथा सदस्यहरुको सपथ ग्रहण कार्यक्रम आज सम्पन्न भएको छ ।
गैँडाकोटको फेम्लीक्याफेमा आयोजित सपथग्रहण कार्यक्रममा नेकपा एमालेका केन्द्रीय सदस्यहरु तिलक बहादुर महत, रविन्द्र अधिकारी, जिल्ला अध्यक्ष रोशन बहादुर गाहा मगर, जिल्ला सचिव जिवन श्रेष्ठ लगायतको उपस्थिति रहेको थियो ।
निर्वाचन समितिका संयोजक रामुकान्त अर्यालले नगर कमिटी अध्यक्ष षडानन्द लामिछानेलाई र अध्यक्ष लामिछानेले बाकि पदाधिकारी र सदस्यहरुलाई सपथ गराएको नगर कमिटीका उपाध्यक्ष नवराज कंडेलले जानकारी दिनुभयो । सपथग्रहण समारोहमा सवैनिर्वाचित पदाधिकारी तथा सदस्यहरुलाई प्रमाणपत्र प्रदान गरिएको थियो ।
सो अवसरमा सम्बोधन गर्दै नेताहरुले पार्टिलाई नगरमा बलियो बनाउन सिगों टिमलाई शुभकामना दिए । नयाँ नेतृत्व चयनपश्चात सपथग्रहण गरेपनि नगरको वडा नं. २ मा नयाँ नेतृत्व चयनमा एमालेभित्र विवाद देखिएपछि समस्या सुल्झन सकेको छैन । वडा नं. २ को नेतृत्व चयन नगर्दै सपथ ग्रहण गरेको भन्दै एमालेभित्रै असन्तुष्टि देखिएको छ ।
