उज्यालो खबर
गैँडाकोट । नेकपा एमाले गैँडाकोट वडा नं. १ बाट नगरसदस्यमा तीनजनाको नामवाली सर्वसम्मत रुपमा चयन गरिएको छ ।वडाको तर्फबाट नगरमा प्रतिनिधित्व गर्न चाहनेहरुको संख्या आवश्यक भन्दा धेरै देखिएपछि आज बसेको वडाको नेतृत्व छनौटको बैठकले तीनजनाको नाम सर्वसम्मत रुपमा सिफारिस गरेको वडा कमिटीका अध्यक्ष भरत अधिकारीले जानकारी दिनुभयो ।
सरस्वती सिग्देल, भगवान लम्साल र शषिचन्द्र सिग्देललाई नगरकमिटीको सदस्यमा पठाउने निर्णय भएको उहाँले बताउनु भयो । निर्वाचन मण्डललाई नामावली पठाइएकाे बताउदै अधिकारीले गैँडाकाेट १ मा कुनै पनि समस्या र आन्तरिक मतभेद नदेखिएकाे प्रष्ट पार्नुभयाे ।
