काठमाडौँ । आज नेकपा माओवादी केन्द्रको स्थायी कमिटी बैठक बस्दै छ । पार्टी केन्द्रीय कार्यालय पेरिस डाँडामा दिउँसो तीन बजे बैठक बोलाइएको हो ।सरकारमा सहभागी हुने मन्त्री छान्ने विषयमा छलफल गर्न बैठक बोलाइएको माओवादी केन्द्रका एक नेताले जानकारी दिए ।

यस अघि शेरबहादुर देउवा नेतृत्वको वर्तमान सरकारमा जनार्दन शर्मा र पम्फा भुसाल मन्त्री बनिसकेका छन् । शर्माले अर्थ मन्त्री र भुसाल ऊर्जा मन्त्री बनेका छन् । माओवादीले अझै सात मन्त्रालय पाउने सम्भावना रहेको नेताहरू बताउँछन् ।

काँग्रेसको तर्फबाट गृहमन्त्री बालकृष्ण खाँण, कानु नमन्त्री ज्ञानेन्द्रबहादुर कार्की, स्वास्थ्य राज्यमन्त्री उमेश श्रेष्ठ मात्र सरकारमा सहभागी छन् ।गत असार २९ गते प्रधानमन्त्री नियुक्त भएका देउवाले अझै पनि मन्त्रिपरिषद् विस्तार गर्न सकेका छैनन् ।

तपाईको प्रतिक्रिया