गैँडाकोट । पूर्वि नवलपरासीको गैँडाकोट नगरपालिकाले आज (शुक्रबार) कोरोना विरुद्धको खोप लगाउने कार्यक्रम नभएको जनाएको छ ।
आज एक सूचना जारी गर्दै कार्यालयले नगरपालिकालाई प्राप्त भएको ३६२० डोज भेरोसेल खोपको मात्रा विहिवार नै सकिएको भन्दै आजका लागि खोप लगाउने कार्यक्रम नभएको जनाएको हो ।
स्वास्थ्य कार्यालयबाट प्राप्त भएको खोपको मात्रा अत्याधिक चापका कारण विहिवार नै सकिएकोले नगरपालिका भित्रका कुनैपनि स्वास्थ्यसंस्थामा खोप लगाउने कार्यक्रम नभएको जनाइएको छ ।आगामी दिनमा  खोपको मात्रा प्राप्तहुनासाथ सूचना प्रकाशन गरि जानकारी गराईने नगरपालिका कार्यालयले जनाएको छ ।

तपाईको प्रतिक्रिया