Grishma Media Pvt. Ltd

Nawalpur, Gandaki, Nepal
Phone:+977.9855033222

Email: ujayalokhabar1@gmail.com

गोविन्द घिमिरे
गैँडाकोट । पूर्वि नवलपरासीमा कोरोना भाईरस (कोभिड १९) बाट संक्रमित हुनेहरुको संख्या दिनानुदिन बढ्दै गएपछि गएराति १२ वजेदेखि जिल्लाभर निषेधाज्ञा जारी गरिएको छ । यो निषेधाज्ञा जेष्ठ ४ गतेसम्म रहने प्रमुुख जिल्ला अधिकारी मनमाया पंगेनीले बताईन् ।
निषेधाज्ञा जारी भएसँगै अत्यावश्यक बाहेकका सबैकुराहरु ठप्प रहेको उज्यालो सहकर्मीले बताएका छन । सार्वजनिक सवारीसाधनहरु चलेका छैनन् भने बजार पसल सबै सुनसान देखिएको छ ।
चितवन सँग सिमा जोडिएको नवलपुरमा संक्रमितको संख्या दिन दुइगुणा रात चौगुणा बढेपछि जिल्ला प्रशासन कार्यालय नवलपुरले निषेधाज्ञा जारी गरेको हो । याे खबर तयार पार्दा सम्म  जिल्लामा काेराेना संक्रमित हुनेहरुकाे संख्या ५ नाघेकाे छ ।
जिल्ला प्रशासन कार्यालल पुर्वी नवलपरासीमा बसेको जिल्ला स्तरीय विपत व्यवस्थापन समितीको बैठकको निर्णय अनुसार निषेधाज्ञा जारी गरिएको हो ।

सवारी पास बन्द

जिल्ला प्रशासन कार्यालय नवलपरासी (पूर्व)ले कुनै पनि सवारी साधनलाई पास नदिने बताएको छ । एक सुचना जारी गर्दै कार्यालयले कुनै पनि प्रकारको सवारी पास जारी नहुने बताएको हो ।
सुचनामा भनिएको छ, गृहमन्त्रालयको पत्र बमोजिम निषेधाज्ञा जारी भएका जिल्लाहरुबाट आन्तरिक तथा बाह्य कुनै पनि प्रकारको सवारी पास जारी नगर्नु, नगराउनु भन्ने पत्र प्राप्त भएकोले यस कार्यालयबाट कुनै पनि प्रकारको पास नहुने जानकारी गराइन्छ ।

लकडाउनमा के गर्न पाईन्छ ? के पाईदैन ?

निषेधित कार्यहरु
१) सबै प्रकारका भेला सम्मेलन, धार्मिक, सांस्कृतिक, सामाजिक गतिविधिहरु गर्नका लागि हुने जमघटहरु
२) सार्वजनिक खेलकुद, नाच, मेला, जात्रा, महोत्सव, भोजभतेर र हाटबजार तथा भीडभाड हुने कुनै पनि कार्यक्रम सञ्चालन गर्न गराउन नपाइने ।
३) मन्दिर, गुम्बा, चैत्य, बिहार, मस्जिद, चर्च आदिमा सामूहिक भेला हुने खालका कुनै पनि कार्यक्रम गर्न गराउन नपाइने ।
४) कुनै पनि प्रकारका सभा, गोष्ठी, तालिम, सेमिनार, जुलुश वा प्रदर्शन जस्ता कार्य गर्न गराउन नपाइने ।
५) खेलकुदस्थल, मनोरन्जन स्थल, शारीरिक सुगठन गर्ने स्थल, स्वीमिङ्ग पुल तथा जिमखाना, फिटनेस सेन्टर ।
६)सामुहिक खेलकुद, पार्टी प्यालेस, सैलुन तथा ब्युटिपार्लरहरु सञ्चालन गर्न नपाइने ।
७) विद्यालय, कलेज, ट्युसन सेन्टर, तालिम केन्द्र लगायतका संस्थामा विद्यार्थी शिक्षक भौतिक रुपमा भेला भई/गराइ सिकाइ गतिविधि संचालन गर्न नपाइने ।
८) सार्वजनिक तथा नीजि यात्रुवाहक सवारी साधन संचालन गर्न नपाइने ।
९) खाद्यवस्तु, पानी तथा अत्यावश्यक सामाग्री बोकेको ढुवानीका सवारी साधन, बिरामी तथा कुरुवा बढीमा २ जना) बोकेको एम्बुलेन्स, स्वास्थ्यकर्मी तथा सुरक्षा निकायले प्रयोग गर्ने सवारी साधन बाहेक अन्य सवारी साधन यस जिल्लामा प्रवेश गर्न रोक लगाउने ।

गर्न पाइने कार्यहरु
१) जिल्ला भित्रका सरकारी कार्यालय तथा सार्वजनिक संस्थान तथा गैरसरकारी संस्थाले न्यूनतम जनशक्तिबाट आलोपालो गरी अतिआवश्यक सेवालाई तोकिएका स्वास्थ्य सुरक्षाका मापदण्ड पूर्ण रुपमा पालना गरी सञ्चालन गर्ने ।
२) विवाह तथा व्रतवन्धको हकमा बढीमा १५ जनासम्म स्वास्थ्य सुरक्षा मापदण्ड पालना गरी गर्ने ।
३) अत्यावश्यक सेवाहरु जस्तै एम्बुलेन्स, खानेपानी, स्वास्थ्य, खाद्यान्न, तरकारी, फलफूल, दुध तथा दुग्धजन्य पदार्थ, बैंक, वित्तिय संस्था, दुरसंचार, इन्टरनेट, आइसोलेसन, कुरियर, डाँक, फोहरमैला व्यवस्थापन लगायतका ढुवानीका साधन जिल्ला भित्र संचालन गर्न पाउने।
४) विकास निर्माणसँग सम्बन्धित आयोजनाका सामग्री बोकेका ढुवानीका साधन, स्वास्थ्य संग सम्बन्धित अत्यावश्यक सामग्री बोकेका ढुवानी साधन, कृषिजन्य सामग्री लगायतका सवारी साधन जिल्ला भित्र संचालन गर्न पाउने।
५) उद्योग, कलकारखाना, विकास आयोजनाका कर्मचारी तथा मजदुरलाई सञ्चालक/ व्यवस्थापकले कार्यस्थलमा नै सुरक्षित रुपमा बस्ने र खाने व्यवस्था गरी स्वास्थ्य सुरक्षा मापदण्ड पालना गर्दै कामलाई निरन्तरता दिने ।
६) सरकारी कार्यालय, बैंक, वित्तय संस्था तथा अत्यावश्यक सार्वजनिक सेवा प्रदायक संस्थाको कर्मचारीको हकमा कर्मचारी परिचयपत्र प्रयोग गरी कार्यालय प्रयोजनमा जिल्ला भित्र आवागमन गर्न पाइने ।
७) अन्तराष्ट्रिय उडानबाट विदेश जाने यात्रुहरुको हवाइटिकट, पासपोर्ट र भिषा हुनेलाई सिधै एयरपोर्ट जाने सवारी साधनको लागि सहजीकरण गर्ने ।
८) पत्रकारको हकमा सूचना संकलन र सम्प्रेषण गर्न सूचना विभागले जारी गरेको परिचयपत्रको आधारमा आवत जावत गर्न दिने।

तपाईको प्रतिक्रिया