Grishma Media Pvt. Ltd

Nawalpur, Gandaki, Nepal
Phone:+977.9855033222

Email: [email protected]

काठमाडौं । नेपाल कम्युनिस्‍ट पार्टीको विवाद भातृ संगठनमा पनि देखिन थालेको छ । शुक्रबार अनेरास्ववियूका सहसंयोजक रञ्जित तामाङको समूहले संयोजक ऐन महरलाई जिम्मेवारीबाट हटाएको घोषणा गरेको छ ।

संगठनको बहुमतको निर्णयले महरलाई कारबाही गरेको तामाङले शुक्रबार विज्ञप्ति जारी गरी जनाएका छन् ।

संगठनको नीति, निर्णय र विधान विपरीतका गतिविधि निरन्तर जारी राखेकाले अनेरास्ववियूको अन्तरिम विधान २०७६ को धारा ७ बमोजिम संगठनको बहुमतको निर्णयअनुसार उनलाई कारबाही गरिएको विज्ञप्तिमा उल्लेख छ ।

महरलाई गरिएको कारबाहीलाई अनुमोदन गर्नका लागि नेपाल कम्युनिस्ट पार्टी नेकपा का केन्द्रीय कमिटी समक्ष सिफारिस गरिएको विज्ञप्तिमा उल्लेख छ ।

सरकारले संसद विघटनको कदम चालेपछि नेकपा अहिले विभाजित छ । प्रचण्ड- माधव समूह र ओली समूहले बेग्लाबेग्लै केन्द्रीय कमिटी बैठक गरेका छन् ।अनेरास्वयियूका सहसंयोजक तामाङ प्रचण्ड- माधव समूहतिर छन् भने संयोजक महर केपी ओली समूहतिर छन् ।

तपाईको प्रतिक्रिया