Grishma Media Pvt. Ltd

Nawalpur, Gandaki, Nepal
Phone:+977.9855033222

Email: [email protected]

काठमाडौं । कोरोना भाइरस संक्रमणका कारण थप १० जनाको मृत्यु भएको छ ।

काठमाडौं र दाङमा २, २ जना, ललितपुर, भक्तपुर, मकवानपुर, कास्की, चितवन र कैलालीका १र१ जनाको मृत्यु भएको प्रदेशको सामाजिक विकास मन्त्रालय र सम्बन्धित अस्पतालले जनाएका छन् ।

काठमाडौंकी ६८ वर्षकी महिलाको मंसिर १८ गते मृत्यु भएको छ । कात्तिक ३० गते संक्रमण पुष्टि भएकी उनी मंसिर १८ गते नै अस्पताल भर्ना भएकी थिइन् ।

काठमाडौंका ५६ वर्षका पुरुषको मंसिर १९ गते मृत्यु भएको छ । मंसिर ८ गते संक्रमण पुष्टि भएका उनी ९ गते अस्पताल भर्ना भएका थिए ।

ललितपुरकी ७५ वर्षकी महिलाको मंसिर १७ गते मृत्यु भएको छ । मंसिर ११ गते अस्पताल भर्ना भएकी उनमा १२ गते संक्रमण पुष्टि भएको थियो ।

मकवानपुरका ८९ वर्षका पुरुषको मंसिर १८ गते मृत्यु भएको छ । मंसिर १८ गते अस्पताल भर्ना भएका उनमा सोही दिन संक्रमण पुष्टि भएको थियो ।

भक्तपुरकी ८४ वर्षकी महिलाको मंसिर १८ गते मृत्यु भएको छ । मंसिर १४ गते संक्रमण पुष्टि भएको उनमा दमको रोग थियो ।

पोखरा महानगरपालिका-८, कास्कीकी ६६ वर्षकी महिलाको शुक्रबार चरक मेमोरियल अस्पतालमा मृत्यु भएको छ । उनमा मंसिर १३ गते संक्रमण पुष्टि भएको थियो ।

कालिका नगरपालिका-४ चितवनका ४९ वर्षका पुरुषको भरतपुर अस्पतालमा बिहीबार राति मृत्यु भएको छ । ज्वरो, खोकी र स्वासप्रश्वासमा समस्या देखिएपछि मंसिर १३ गते संक्रमण पुष्टि भएका उनमा सोही दिन संक्रमण पुष्टि भएको थियो ।

तुलसीपुर उपमहानगरपालिका-११, दाङका ४५ वर्षका पुरुषको नेपालगञ्जको भेरी अस्पतालमा बिहीबार राति ९ बजे मृत्यु भएको छ । कोरोना संक्रमण पुष्टि भएपछि उनी मंसिर ४ गते अस्पताल भर्ना भएका थिए ।

तुलसीपुर उपमहानगरपालिका, दाङकै ८१ वर्षका पुरुषको नेपालगञ्ज मेडिकल कलेज शिक्षण अस्पताल कोहलपुरमा बिहीबार राति १०स्४५ बजे मृत्यु भएको छ । उनमा मंसिर १३ गते कोरोना संक्रमण पुष्टि भएको थियो ।

गोदावरी नगरपालिका-३, कैलालीका ७६ वर्षका पुरुषको सेती प्रादेशिक अस्पताल धनगढीमा शुक्रबार विहान मृत्यु भएको छ । मंसिर १४ गते अस्पताल भर्ना भएका उनमा सोही दिन संक्रमण पुष्टि भएको थियो ।

तपाईको प्रतिक्रिया