Grishma Media Pvt. Ltd

Nawalpur, Gandaki, Nepal
Phone:+977.9855033222

Email: [email protected]

कावासोती । पुर्वी नवलपरासीको हुप्सेकोट गाउँपालिकाकी अध्यक्ष लक्ष्मी देवि पाण्डे सहित ८ जनामा कोरोना संक्रमण पुष्टि भएको छ । हुप्सेकोट गाँउपालिकाको स्वास्थ्य शाखा प्रमुख कृष्ण सापकोटाका अनुसार गत कार्तिक १३ गते ४९ जनाको स्वाब संकलन गरि परिक्षणको लागि पोखरा पठाईएकोमा अध्यक्ष पाण्डे सहित ८ जनामा कोरोना संक्रमण पुष्टि भएको हो ।

कोरोना पुष्टि हुने अन्यमा गाउँपालिकाका ४ जना कर्मचारी ,१ जना शिक्षक, १ जना प्रहरी र १ जना स्थानिय किशोरी रहेको स्वास्थ्य शाखाले जनाएको छ । संक्रमण पुस्टि भए पनि संक्रमित सबैको स्वास्थ्य अवस्था सामान्य रहेको अध्यक्ष पाण्डेले जानकारी दिईन । “मलाई सहित ८ जनामा कोरोना पोजेटिभ देखिएको छ,तर सबैको अवस्था सामान्य छ , संक्रमित सबैलाई आत्मबिस्वाश कायम राख्न अनुरोध गर्दछु ” । पाण्डेले आफु सङ्ग सम्पर्कमा रहेका सबैलाई सुरक्षित रहन अनुरोध गर्दै गाउँबासिलाई उच्च मनोबलका साथ स्वास्थ्य सतर्कता अपनाउन समेत अपिल गरिन ।

यसैविच गाउँपलिका अध्यक्ष सहित स्वास्थ्य शाखाका प्रमुख लाई संक्रमण देखिएपछि हुप्सेकोट गाउँपालिका कार्यालय पाँचदिनका लागी बन्द गरिने भएको छ । प्रमुख प्रशासकीय अधिकृत कृष्ण सापकोटाले अत्यावश्यक सेवा बाहेकका अन्य सेवाहरू ५ दिनका लागी भोलीदेखि नै बन्द हुने उज्यालो खबरलाई बताए ।

तपाईको प्रतिक्रिया