उज्यालो खबर
चितवन । बाघको आक्रमणबाट चितवनमा एकजनाको मृत्यु भएको छ । भरतपुर महानगरपालिका वडा नं. १३ का ६३ वर्षका जन्हु महतोको बाघको आक्रमणबाट ज्यान गएको जिल्ला प्रहरी कार्यालय चितवनले जनाएको छ ।
भरतपुर १३ स्थित सिमलगैरी स्थित बेलसहर मध्यवर्ती सामुदायीक बनमा घाँस काट्न गएका महतोलाई बाघले आक्रमण गरेको हो । विहान ११ वजे बाघले आक्रमण गरेको सूचना पएपछि चितवन राष्टिय निकुञ्ज र सौरहा बाट खटिएको हात्ती सहितको टोलीले साझ मात्रै महतोको शव फेला पारेको हो । हरेक वर्ष मध्यवर्ति सामुदायिक बनमा घाँस काट्ने क्रममा जंगली जनावरको आक्रमणबाट स्थानीयहरुले ज्यान गुमाउने गरेका छन ।
