उज्यालो खबरचितवन । नजिकिँदै गरेको महान चाड विजया दशमीलाई लक्षित गरेर गायक÷गायिका खुमन अधिकारी र शान्तीश्री परियारको स्वरमा दसैँ गीत ‘मर्ने बाच्नेको’ सार्वजनिक भएको छ ।
शिवदर्शन फिल्मस्ले आकर्षक भिडियोसहित गीत सार्वजनिक गरेको हो । भिडियोमा बिमल अधिकारी, दिब्यनी वली, रमेश अधिकारी, सौभाग्य सिंह, आरोश भुषाल, सुमन बजगाई, बिष्णु वस्ती, अर्चना भुषाललगायतको अभिनय रहेको छ ।
विदेशमा रहेका युवा दसैँमा घर आउन नपाउँदा उसले र उसको परिवारले महसुस गर्ने दुःख भिडियोमा देखाउन खोजिएको छ । गायिका तथा कलाकार गायत्री थापाको निर्देशन रहेको भिडियोमा करण चौसिरको छायांकन तथा मनोज कार्कीको सम्पादन रहेको छ । विष्णु न्यौपानेको शब्द तथा खुमन अधिकारीकै संगीत रहेको गीतको म्युजिक एरेन्जर हेमन्त शिशिर हुनुहुन्छ ।
https://www.youtube.com/watch?v=UyEu6g-s8eY
