उज्यालो खबर
गैंडाकोटस्थित अक्सफोर्ड कलेज अफ इन्जिनियरिङ एण्ड म्यानेजमेन्ट (OCEM) अन्तर्गत सञ्चालित अक्सफोर्ड सेकेन्डरी स्कुलले कक्षा १२ का विद्यार्थीहरूको दीक्षान्त समारोह अत्यन्त भव्य र उत्साहपूर्ण वातावरणमा सम्पन्न गरेको छ।
समारोहमा विद्यालयका सञ्चालक समिति, प्राध्यापक, कर्मचारी, अभिभावक तथा सयौं विद्यार्थीहरूको उत्साहजनक सहभागिता रहेको थियो। कार्यक्रममा विद्यार्थीहरूलाई सम्मानस्वरूप मायाको चिनो प्रदान गर्दै उनीहरूको शैक्षिक यात्राको सफलताको कामना गरिएको थियो।
कार्यक्रमलाई सम्बोधन गर्दै विद्यालयका प्रधानाध्यापक प्रो. डा. ई. हरी भण्डारीले विद्यार्थीहरूलाई जीवनको नयाँ यात्रामा आत्मविश्वासका साथ अघि बढ्न प्रेरित गर्नुभयो। उहाँले अक्सफोर्डले केवल उत्कृष्ट शैक्षिक उपलब्धिमा मात्र नभई नेतृत्व क्षमता, नैतिक मूल्य, व्यक्तित्व विकास तथा व्यवहारिक ज्ञान अभिवृद्धिमा समेत विशेष ध्यान दिँदै आएको उल्लेख गर्नुभयो।
उहाँले आधुनिक प्रविधिसहितको शिक्षण प्रणाली, दक्ष शिक्षक टोली तथा विद्यार्थीमैत्री वातावरणमार्फत विद्यालयले गुणस्तरीय शिक्षा प्रदान गर्दै आएको बताउँदै विद्यार्थीहरूको उज्ज्वल भविष्य निर्माणमा संस्था निरन्तर सक्रिय रहेको धारणा व्यक्त गर्नुभयो।
समारोहमा विद्यार्थीहरूले प्रस्तुत गरेका प्रेरणादायी मन्तव्य, गीत–संगीत, सांस्कृतिक प्रस्तुति तथा आकर्षक नृत्यहरूले कार्यक्रमलाई थप रोचक, उल्लासमय र स्मरणीय बनाएको थियो। सहभागी विद्यार्थीहरूले विद्यालयको अनुशासित वातावरण, उत्कृष्ट शैक्षिक गुणस्तर तथा शिक्षकहरूको सहयोगप्रति उच्च प्रशंसा व्यक्त गरेका थिए।
विद्यालय प्रशासनले विद्यार्थीहरूलाई उच्च शिक्षाको आगामी यात्राका लागि सफलताको शुभकामना दिँदै समाज र राष्ट्रप्रति जिम्मेवार, सक्षम र नैतिक नागरिक बन्न प्रेरित गरेको जनाएको छ। विद्यालयका अनुसार यस दीक्षान्त समारोहले विद्यार्थीहरूको शैक्षिक यात्रामा नयाँ उत्साह, आत्मविश्वास र प्रेरणा थपेको छ।
यसैबीच, विद्यालयले आगामी शैक्षिक सत्रका लागि कक्षा ११ मा विज्ञान, व्यवस्थापन तथा होटल व्यवस्थापन संकायमा भर्ना खुला रहेको जानकारी दिएको छ। अनुभवी शिक्षक टोली, आधुनिक प्रयोगशाला, स्मार्ट कक्षा, अतिरिक्त क्रियाकलाप तथा उत्कृष्ट नतिजासहित गुणस्तरीय शिक्षा प्रदान गर्ने प्रतिबद्धता विद्यालयले जनाएको छ।
“उज्ज्वल भविष्यको सही गन्तव्य-अक्सफोर्ड सेकेन्डरी स्कुल” भन्ने नारासहित विद्यालयले नयाँ विद्यार्थीहरूलाई गुणस्तरीय शिक्षासँगै व्यक्तित्व विकासको उत्कृष्ट अवसर प्रदान गर्ने विश्वास व्यक्त गरेको छ।
