उज्यालो खबर
नवलपुरको गैंडाकोट–९ स्थित थुम्सीमा टिपरको ठक्करबाट मोटरसाइकलमा सवार एक महिलाको मृत्यु भएको छ।दुर्घटनामा परी देवचुली–१० निवासी ३५ वर्षीया जमुना गिरी थापाको मृत्यु भएको प्रहरीले जनाएको छ।
आज दिउँसो करिब २ बजे भएको उक्त दुर्घटनामा जमुनाका श्रीमान् ४० वर्षीय राजबहादुर गिरी घाइते भएका छन्। घाइते गिरीको उपचार भइरहेको प्रहरीले जनाएको छ। दुर्घटनापछि टिपर र चालकलाई प्रहरीले नियन्त्रणमा लिएको छ भने घटनाबारे थप अनुसन्धान भइरहेको छ।
