उज्यालो खबर
गैंडाकोट – अक्सफोर्ड सेकेन्डरी स्कुलले आयोजना गरेको अन्तरविद्यालय स्तरीय हाजिरीजवाफ प्रतियोगितामा अक्सफोर्ड सेकेन्डरी स्कुलले पहिलो स्थान हासिल गरेको छ। गैंडाकोटका १३ विद्यालयका विद्यार्थीहरूले बुधबार अक्सफोर्ड कलेज अफ इन्जिनियरिङ एन्ड म्यानेजमेन्टको सभाहलमा प्रतिस्पर्धा गरेका थिए।
प्रतियोगितामा बाल विकास इंग्लिस स्कुल दोस्रो, विजय सामुदायिक शिक्षा सदन तेस्रो, र साइनिड्ड इंग्लिस सेकेन्डरी स्कुल चौथो स्थानमा रहे।
अक्सफोर्ड कलेजका प्राचार्य प्रो. डा. इन्जिनियर हरीप्रसाद भण्डारीले प्रतियोगिताले विद्यार्थीको बौद्धिक क्षमता र मनोविज्ञान बुझ्न मद्दत पुर्याउने र उनीहरूको सामूहिक क्षमता विकासमा महत्वपूर्ण भूमिका खेल्ने बताए।
त्यस्तै, गैंडाकोट नगरपालिकाका शिक्षा शाखा अधिकृत रामप्रसाद अधिकारीले यस्तो अन्तरविद्यालयस्तरीय प्रतिस्पर्धाले विद्यार्थीबीच मित्रता र आपसी आत्मीयता बढाउने बताए। उनले पाठ्यपुस्तकसँगै बाहिरी ज्ञानका प्रश्न समेट्दा शैक्षिक गुणस्तर अझ बलियो हुने पनि उल्लेख गरे।
प्रतियोगितामा जित्नुभन्दा पनि सहभागी हुनु नै ठूलो उपलब्धि भएकोमा बल दिइएको थियो। साथै, अक्सफोर्ड सेकेन्डरी स्कुललाई राष्ट्रपति रनि∙ शिल्ड प्रतियोगितामा दोस्रो भएकोमा बधाइ दिइएको थियो।
कार्यक्रममा शैक्षिक सल्लाहकार डा. बसन्त प्रसाद अधिकारीले स्वागत मन्तव्य राख्नुभयो भने, क्विज मास्टर देबीलाल जोशीले सहजीकरण गर्नुभयो। आईटी सपोर्टमा राम तामाङले सहयोग गर्नुभयो। कार्यक्रममा अक्सफोर्ड कलेजका सहायक प्राचार्य, शैक्षिक संयोजक, शिक्षक र विद्यार्थीहरूको उल्लेखनीय उपस्थिती रहेको थियो।
प्रतियोगिताका ६० प्रतिशत प्रश्न कक्षा ६, ७, ८ को पाठ्यक्रम र बाँकी ४० प्रतिशत बाहिरी स्रोत बाट तयार गरिएको थियो, जसले विद्यार्थीहरूको सामान्य ज्ञान र शैक्षिक तयारी दुवैको परीक्षण गरेको थियो।
