उज्यालो खबर
चितवन- माडी नगरपालिका–१, गर्दीमा शनिबार बिहान करिब ५:४५ बजे यात्रुबस दुर्घटना हुँदा एक व्यक्ति घटनास्थलमै मृत्यु भएका छन् भने दुई जना सामान्य घाइते भएका छन्।
बा.प्र.०३–००१ ख २८८७ नम्बरको बसले माडी–१ सेरुवा बस्ने ६०–६२ वर्षीय फिरल महतोलाई ठक्कर दिँदा उनको घटनास्थलमै मृत्यु भएको हो। बस अनियन्त्रित भई सडकबाट तल खेतमा खसेको थियो। दुर्घटनामा बस चालक फरार रहेको र खोजतलास कार्य जारी रहेको छ।
घाइतेहरू बघौडा अस्पताल माडीमा उपचाररत छन्। उनीहरूमा माडी–२ चिरौली बस्ने ५ वर्षका देवांश महतोलाई बायाँ खुट्टामा भित्री चोट लागेको छ भने भरतपुर–२७ बस्ने ३० वर्षकी सुनिता महतोलाई दाहिने आँखामा चोट लागेको छ। दुवैको अवस्था सामान्य रहेको छ।
मृतकको शव पोष्टमार्टमका लागि भरतपुर पठाइएको छ।
