उज्यालो खबर
काठमाडौं – नेपाली बजारमा आज पनि सुन–चाँदीको मूल्य बढेको छ।मंगलबार प्रतितोला पाँच हजार तीन सय रूपैयाँ बढेको सुनको भाउ यसदिन प्रतितोला एक हजार सात सय रूपैयाँ बढेको हो।यो दुई दिनमा सुनको भाउ सात हजार रूपैयाँ बढेको हो।नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ९१ हजार ६ सय रूपैयाँमा कारोबार भइरहेको छ।
मंगलबार छापावाल सुन प्रतितोला एक लाख ८९ हजार नौ सय रूपैयाँमा कारोबार भएको थियो।यस्तै, बुधबार चाँदीको मूल्य भने स्थिर छ।मंगलबार चाँदी प्रतितोला एक हजार नौ सय ६५ रूपैयाँमा कारोबार भएको चाँदी बुधबार पनि सोही मूल्यमा किनबेच भइरहेको छ।आज अन्तर्राष्ट्रिय बजारमा भने सुन प्रतिऔंस ३३ सय ८७ अमेरिकी डलरमा कारोबार भइरहेको छ।
