बुधवार भरतपुरका यी स्थानमा दिनभर विद्युत अवरुद्ध हुने

चितवन –  बुधबार भरतपुरका केही स्थानमा विद्युत सेवा अवरुद्ध हुने भएको छ । भरतपुर(माडी) ठोरी हुलाकी सडक अन्तरगत भरतपुरको विकाशचोक देखि सिताराम चोकसम्म विद्युत पोल सार्न लागिएको हुँदा त्यस क्षेत्रमा बुधवार दिनभर विद्युत सेवा अवरुद्ध हुन लागेको हो ।

विद्युत दिउँसो १० देखि ५ बजेसम्म अवरुद्ध हुने भरतपुर वितरण केन्द्रका इन्जिनियर राजेन्द्र पौडेलले जानकारी दिए। ११ केभि भृकुटी फिडरको क्यान्सर अस्पतालदेखि दक्षित तर्फ विद्युत सेवा अनियमिता हुने पौडेलले बताए ।

हाकिम चोकदेखि गितानगर क्षेत्रमा सडक विस्तारको काम भइरहेको छ । सडकको मापदण्डमा पर्ने पोलहरु सार्न लागिएको हो ।