उज्यालो खबर
चितवन । चितवनको भरतपुरमा अवस्थित बि एच एम तथा ब्याचलर अफ कम्प्युटर साइन्स (नेटवर्क टेक्नोलोजी एण्ड साइबर सेक्यूरिटि) कार्यक्रम सञ्चालन गरिरहेको फोर्ब्स कलेजले पहिलोपटक काठमाण्डौं उपत्यका बाहिर चितवनमा CISCO Networking Academy र EC-Council Academia को स्थापना गरेको छ ।
फोर्ब्स कलेजमा स्थापना भएको यी दुबै एकेडेमीबाट फोर्ब्स कलेज बाहिरका विद्यार्थीहरूले पनि सुविधा प्राप्त गर्न सक्ने कलेजका प्राचार्य हरिशरण पाठकले जानकारी दिनुभयो । उहाँका अनुसार फोर्ब्स कलेजमा अध्ययनरत विद्यार्थीहरूका लागि भने कलेजले विशेष छुटका साथ सर्टिफिकेसन गराइराखेको छ ।
IT क्षेत्रमा अध्ययनरत विद्यार्थीहरूले विश्वविद्यालयको कोर्ष बाहेक पनि प्रोफेसनल सर्टिफिकेसन कोर्ष गर्ने ट्रेन्डहरू चलिरहेको भन्दै कलेजका प्रचार्य पाठकले स्नातक तह उत्तीर्ण विद्यार्थीहरूले सजिलैसँग रोजगारी पाउन सक्ने समेत बताउनुभयो।
कलेजमा अध्ययनरत ४० जना भन्दा बढी विद्यार्थीहरूले CISCO Networking Academy बाट CCNA सर्टिफिकेसन प्राप्त गरिसकेका छन् । त्यस्तै EC-Council Academia बाट कलेजमा अध्ययनरत ३० जना भन्दा बढी विद्यार्थीहरूले CEH सर्टिफिकेसन प्राप्त गरिसकेका छन् । जसले गर्दा विद्यार्थीहरूले स्नातक तह अध्ययन पश्चात कम्प्युटर नेटवर्क तथा साइबर सेक्यूरिटि क्षेत्रमा सजिलैसँग काम पाउन सफल भएका छन् ।
