उज्यालो खबर
काठमाडौं । नेकपा एमालेका नेता महेश बस्नेतले पार्टी अध्यक्ष केपी शर्मा ओलीको सुरक्षा कटौती गरिएकोप्रति असन्तुष्टि जनाएका छन् ।पूर्वप्रधानमन्त्रीको सुरक्षा घटाउनु सरकारको गम्भीर त्रुटि भएको उनको भनाइ छ ।
फेसबुकमा स्टाटस लेख्दै बस्नेतले पूर्वविशिष्ट व्यक्तिहरूको सुरक्षा व्यवस्था गर्नु संसारका सबै सरकारको कानुनी र नैतिक दायित्व हुने बताएका छन् ।
‘यो दायित्वबाट सरकार भागेको अवस्थामा हामी हाम्रो आदरणीय अध्यक्षको सुरक्षा सुनिश्चित गर्न सक्षम छौँ भन्ने कुरा सबैलाई अवगत गराउन चाहन्छौँ।’ उनले भनेका छन् ।
