उज्यालो खबर
गैँडाकोट । लायन्सक्लव अफ नारायणगढ मिडटाउनको अध्यक्षमा नन्दलाल पौडेल चयन हुनुभएको छ । क्लवको १५ औँ साधारणसभाले वर्ष २०२४-२५ का लागि पौडेलको अध्यक्षतामा सर्वसम्मत रुपमा नयाँ कार्यसमिति चयन गरेको हो ।
समितिको प्रथम उपाध्यक्षमा रुद्रप्रसाद सापकोटा, द्धितीय उपाध्यक्षमा प्रकाश अधिकारी, तृतीय उपाध्यक्षमा नागेन्द्र पौडेल, सचिवमा ईश्वरी प्रसाद पण्डित र कोषाध्यक्षमा धमेन्द्र वन चयन हुनुभएको पूर्व अध्यक्ष तथा डिष्ट्रिक्ट कमिटि सदस्य दिपक पराजुलीले बताउनुभयो ।
वर्ष २०२३-२०२४ का अध्यक्ष कपिलदेव आचार्यको अध्यक्षता तथा संस्थापक अध्यक्ष शिव प्रसाद पण्डितको प्रमुख आतिथ्यतामा सम्पन्न कार्यक्रममा अविर साटासाट गरि होली पर्व समेत मनाइएको थियो ।सो अवसरमा नवनिर्वाचित अध्यक्ष पौडेलले आफ्नो कार्यकालमा पूर्व अध्यक्षहरु तथा अग्रजहरुको सल्लाह र सुझाव अनुसार क्लवको कार्य गर्न वार्षिक कार्य तालिका बनाएर अघि बढ्ने बताउनुभयो ।
साधारणसभामा पूर्व अध्यक्ष तथा डिष्ट्रिक्ट चिफ लायन रमेश घिमिरे नेत्र ज्योति सहायक संघ केन्द्रीय अध्यक्ष र लायन कृष्णहरि पौडेल शिक्षामन्त्रीको स्वकीय सचिवमा मनोनित भएकोमा सम्मान गरिएको थियो ।
