उज्यालो खबर
गैँडाकोट। कृषि तथा वन विज्ञान विश्वविद्यालय रामपुरले लिएको पशुचिकित्सा स्नातक तहको प्रवेश परिक्षामा नेपाल टप भएका विद्यार्थी दिवेश प्रसाद पौडेललाई अक्सफोर्ड सेकेन्डरी स्कुल (अक्सफोर्ड कलेज) ले सम्मान गरेको छ ।कलेज परिसरमा आज आयोजित एक कार्यक्रममा कलेजका प्राचार्य प्रोफेसर ई. हरि भण्डारीले फुलमाला र अविर लगाएर दिवेशलाई सम्मान गर्नुभएको हो ।
पशुचिकित्सा शास्त्रको पाँचवर्षे कोर्षका लागि पौडेलले पूर्णछात्रवृति अन्तर्गत एक नम्बर नाम निकालेर कलेजको शिर उचो बनाएको भन्दै प्राचार्य भण्डारीले दिवेशलाई आगामी शैक्षिक यात्राको लागि शुभकामना व्यक्त गर्नुभयो ।सो अवसरमा कलेजका सहायक प्रचार्य तिलकराम पन्थी, साईन्स डिपार्टमेन्ट प्रमुख अस्मिता न्यौपाने, कलेजका प्रोफेसर कृष्णहरी पौडेल लगायतले शुभकामना दिनुभएको थियो ।
विश्वविद्यालयले आइतबार प्रकाशित गरेको नतिजा अनुसार पौडेलले कुल १०० अंक प्राप्त गर्दै नेपाल टप भएका हुन् । गैँडाकोट नगरपालिका वडा नं. १ घर भएका पौडेलले स्थानीय नेपाल राष्ट्रिय शसमेर आर्दश माविबाट एसइइ उतिर्ण गरेका थिए ।
