उज्यालो खबर
गैँडाकोट । नवलपुरको गैँडाकोटमा रहेको अक्सफोर्ड कलेजका विद्यार्थीहरुले शुक्रबार कलेज परिसरमा फुड फेस्टिवलको आयोजना गरेका छन् ।विविए तेस्रो सेमेस्टेरमा अध्ययनरत विद्यार्थीहरुको आयोजनामा भएको फुड फेस्टिवलको कलेजका प्रचार्य ई. हरि भण्डारीले उद्घाटन गर्नुभएको थियो ।
फुडफेस्टिवलमा सातवटा विभिन्न प्रकारका खाना र २ वटा खेलकुदका स्टलहरु राखिएको विविए कार्यक्रम संयोजक प्रेम शर्मा वस्यालले जानकारी दिनुभयो ।१२ घण्टाको समायावधि तोकेर कलेजले विद्यार्थीहरुका विचमा नाफामुखी प्रयोगात्मक अभ्यास गराउनका लागि फेस्टिवलको आयोजना गरिएको उहाँले बताउनुभयो ।
फुड फेस्टिवलमा विद्यार्थी, शिक्षक, कर्मचारी र अभिभावक गरि २००० भन्दा बढीको सहभागिता रहेको थियो ।
