उज्यालो खबर
गैँडाकोट – पूर्वी नवलपरासीको गैँडाकोटमा अवस्थित गैँडाकोट इङ्लिस स्कुल उत्कृष्ट विद्यालयको रुपमा सम्मानित भएको छ । राष्ट्रिय शिक्षा दिवस २०८१ को अवसरमा गैँडाकोट नगरपालिकाले गैँडाकोट इङ्लिस स्कुललाई संस्थागत विद्यालयहरुतर्फ नगरकै उत्कृष्ट विद्यालयको रुपमा सम्मान गरेको हो ।
राष्ट्रिय शिक्षा दिवसको अवसरमा गैँडाकोट नगरपालिकामा आयोजित एक बिशेष समारोहमा गैँडाकोट इङ्लिस स्कुललाई नगद १५ हजार रुपैया सहित प्रशंसापत्रले सम्मान गरिएको हो । नगरपालिकाले विद्यालयको भौतिक, शैक्षिक लगायत विभिन्न सूचकहरुको आधारमा गैँडाकोट इङ्लिस स्कुललाई संस्थागत तर्फ उत्कृष्ट विद्यालयको रुपमा पुरस्कृत गरेको हो । गतवर्ष मात्रै गैँडाकोट इङ्लिस स्कुल नगरको एकमात्र क बर्गको स्कुलको रुपमा छनौट भएको थियो ।
