उज्यालो खबर
धनगढी- कैलालीको धनगढीमा अज्ञात समूहले इन्धन बोक्ने ट्याङ्करका चालक र सहचालकहरुमाथि धारिलो हतियार प्रहार गरी घाइते बनाएको छ ।हतियारधारी समूहको आक्रमणबाट ट्यांकर चालक हरि देउवा र सहचालक अनिल देउवा घाइते छन् ।
घटनामा संलग्न दुई जनालाई प्रहरीले नियन्त्रणमा लिएको छ ।जिल्ला प्रहरी कार्यालय कैलालीका प्रमुख एसपी पदमबहादुर विष्टका अनुसार ट्यांकर पार्किङको विषयमा दुई पक्षबीच विवाद हुँदा आक्रमण र तोडफोड भएको बताए । ‘दुई जनालाई राति नियन्त्रणमा लिएका छौं । आज सोधपुछ गर्छौं अनि घटनाको कारण डिटेलमा खुल्ला,’ एसपी विष्टले भने ।
घटनामा केही ट्यांकरहरुमा पनि तोडफोड गरेको छ । आक्रमणबाट ट्यांकरको अघिल्लो भागको सिसा फुटेको छ ।
