हुप्सेकोटको प्रमुख प्रशासकीय अधिकृतमा घिमिरे
गैँडाकोट । हुप्सेकोट गाउँपालिकाको प्रमुख प्रशासकीय अधिकृतको रुपमा टंक घिमिरे आउनुभएको छ । सूचना तथा प्रशारण विभागमा कार्यरत घिमिरे विहिवारदेखि हुप्सेकोटमा हाजिर हुनुभएको हो ।
पत्रकारसँग कुरा गर्दै उहाँले हुप्सेकोटको विकास र समृद्धिका लागि गाउपालिका अध्यक्ष र स्थानीय जनताहरुसँग मिलेर काम गर्ने बताउनुभयो ।गाउँपालिकामा कार्यरत प्रमुख प्रशासकीय अधिकृत सुरेन्द्र बस्यालको जिल्ला समन्वय समितिमा सरुवा भएको छ ।
