Grishma Media Pvt. Ltd

Nawalpur, Gandaki, Nepal
Phone:+977.9855033222

Email: ujayalokhabar1@gmail.com

काठमाडौं । उपचारका लागि अस्पताल पुगेकी बाँकेकी एक महिलाको दुई घण्टासम्म अक्सिजन नपाउँदा अस्पताल प्रांगणमै मृत्यु भएको छ । बैजनाथपुर गाउँपालिका–५ कि ४६ वर्षीया महिलाको बुधबार साँझ मृत्यु भएको हो ।

सास फेर्न गाह्रो भएपछि उनलाई बुधबार दिउँसो नेपालगञ्ज मेडिकल कलेज कोहलपुर पुर्‍याइएको थियो । तर कलेज प्रशासनले गेटमा कोभिड–१९ का नयाँ बिरामी भर्ना स्थगन र कोभिडको शंकास्पद बिरामीलाई सेवा दिन असमर्थ रहेको सूचना टाँसेको थियो । उपचार पाउने झिनो आशामा आफन्तले उनलाई दुई घण्टासम्म अस्पताल प्रांगणमै राखे । बिरामी भर्ना गरिदिन आग्रह गरे ।

आज अचानक सास फेन गाह्रो भएपछि अस्पताल लगिएको रहेछ,’ डा। चौधरी भन्छन्, ‘अक्सिजन अभावमा मेडिकल कलेजले नयाँ बिरामी नलिने सूचना टाँसेका कारण बिरामीलाई फर्काएर यहाँ ल्याएका रहेछन् ।’
तर अस्पतालले भर्ना नलिएपछि आफन्तले अटोरिक्सामा राखेर बैजनाथपुर–५ मा स्थानीय तहले सञ्चालन गरेको आइसोलेसन सेन्टरमा पुर्‍याए । उनको त्यही मृत्यु भएको छ ।

आइसोलेसन सेन्टरका संयोजक डा। प्रदीपकुमार चौधरीका अनुसार विरामीलाई आइसोलेसन सेन्टरमा ल्याउनासाथ अक्सिजन लेभल जाँच्ने प्रयास गरिएको थियो । ‘तर अक्सिमिटरले अक्सिजन लेभल रिड गरेन । त्यसपछि अक्सिजन सपोर्ट दियौं, तर पनि उनलाई बचाउन सकिएन’ उनले भने ।

अत्यन्तै गम्भीर अवस्थामा आइसोलेसन सेन्टरमा ल्याएका कारण बचाउन नसकिएको डा। चौधरी बताउँछन् । ‘३र४ दिनदेखि नै उनको स्वास्थ्यमा समस्या आएको रहेछ । आज अचानक सास फेन गाह्रो भएपछि अस्पताल लगिएको रहेछ,’ डा। चौधरी भन्छन्, ‘अक्सिजन अभावमा मेडिकल कलेजले नयाँ बिरामी नलिने सूचना टाँसेका कारण बिरामीलाई फर्काएर यहाँ ल्याएका रहेछन् ।’

मृतक महिलाको पीसीआर रिपोर्ट भने आउन बाँकी छ । उनलाई भर्ना नलिएको नेपालगञ्ज मेडिकल कलेजको भने आफैं तर्क छ । डा। नितेश कनौडियाका अनुसार अस्पतालमा अहिले १३३ जना संक्रमित अक्सिजन सपोर्टमा उपचाररत छन् ।

अस्पतालको लिक्विड अक्सिजन प्लान्ट रित्तिन लागेको छ । भारतबाट लिक्विड अक्सिजन आउन नसकेकोले हाललाई नयाँ भर्ना स्थगन गर्न बाध्य भएको उनी बताउँछन् । अक्सिजन अभावले भारतको एक अस्पतालमा १४ जना संक्रमितले ज्यान गुमाउनु परेको घटनाले पनि थप सचेत गराएको उनले सुनाए ।

‘हामीलाई यत्ति धेरै संख्यामा संक्रमित राखेर उपचार गराउने आँट लिक्विड प्लान्टले नै दिएको हो । लिक्विड अक्सिजन प्लान्ट नै रित्तिएको र पुनः भर्न भारतबाट आयत हुन सकेको छैन,’ डा। कनौडिया भन्छन्, ‘सिलिण्डरमा भरेर ठूलो संख्यामा रहेका संक्रमितको उपचार गर्न त्यति सहज छैन ।’

उनका अनुसार अहिले अस्पतालमा उपचाररत बिरामीलाई अक्सिजन पुर्‍याउनै हम्मेहम्मे परेको छ । बिरामीको चाप अनुसार हरेक ५ दिनमा एउटा लिक्विड अक्सिजन ट्यांक वा दैनिक ८०० सिलिण्डर अक्सिजन आवश्यक पर्ने डा। कनौडियाको भनाइ छ ।

वैशाख १९ र २१ गते नै अक्सिजन अभावबारे स्वास्थ्य तथा जनसंख्या मन्त्रालयलाई लिखित अनुरोध गरेपनि सुनुवाइ नभएको उनी बताउँछन् ।

अक्सिजन अभावले आउनसक्ने ठूलो संकटबारे मन्त्रालयको ध्यानाकर्षण गराइसकेको र भारतबाट लिक्विड अक्सिजन आपूर्तिको व्यवस्था मिलाउन आग्रह गरिएको उनले बताए । अनलाईन खबरबाट

तपाईको प्रतिक्रिया